Byddai rhywbeth o'i le pe bai Cylchgrawn Lyfryddol heb son am farwolaeth ei llywydd a heb gyhoeddi gair o deyrnged a gwerthfawrogiad o'i wasanaeth enfawr i'r Gymdeithas ac i ysgolheictod Cymraeg a Cheltaidd ac i fywyd diwylliannol ac addysgol Cymru: "Oedd cam nas cymhwyllwn" meddai Aneurin am un o arwyr y Gododdin, byddai'n anghyfiawnder pe bawn heb ei enwi a chofnodi ei gampau; ac yn ystyr hynny, o'i droi'n osodiad ac yn gystrawen gadarnhaol, yw fod ymdrech a gwasanaeth ac aberth yr arwr yn haeddu cofnod ac yn gorfodi croniclwr y genedl i'w foli a'i goffáu.

Dr. Henry Lewis, C.B.E., M.A., D.LITT., LL.D.